Shtetet e Bashkuara të Amerikës kanë ngritur aeroplanë luftarakë pas vëzhgimit të një avioni rus për zbulim pranë Alaskës. Incidenti ndodhi të enjten dhe është konfirmuar nga Komanda e Mbrojtjes Ajrore të Amerikës së Veriut (NORAD).
Në ndërhyrje morën pjesë një avion paralajmërimi dhe kontrolli E-3 Sentry, dy F-16 dhe një aeroplan cisternë KC-135. Qëllimi ishte të ndalohej avioni rus IL-20 COOT, i cili po fluturonte brenda zonës së identifikimit të mbrojtjes ajrore të Alaskës (ADIZ). NORAD theksoi se avioni rus nuk ka shkelur hapësirën ajrore të SHBA-së apo të Kanadasë.
Në deklaratë theksohet: “Aeroplani rus qëndroi në hapësirën ajrore ndërkombëtare dhe nuk hyri në hapësirën sovrane të SHBA-së apo të Kanadasë. Ky aktivitet ndodh rregullisht dhe nuk konsiderohet kërcënim.”
NORAD përdor një rrjet të mbrojtjes së shtresuar, përfshirë satelitë, radarë tokësorë dhe ajrorë, si dhe avionë luftarakë, për të zbuluar dhe ndjekur avionët dhe për të marrë masat e duhura, duke mbajtur gatishmëri për mbrojtjen e Amerikës së Veriut.