Presidenti rus Vladimir Putin nuk do të udhëtojë në Romë për funeralin e Papa Françeskut, ka bërë të ditur Kremlini, duke mohuar spekulimet për pjesëmarrjen e tij.
Zëdhënësi Dmitry Peskov konfirmoi se “Presidenti Putin nuk ka ndonjë plan të tillë”, ndërsa shtoi se ende nuk është vendosur se kush do ta përfaqësojë zyrtarisht Rusinë në ceremoni.
Në funeralin që do të mbahet të shtunën në Bazilikën e Santa Maria Maggiore në Vatikan, pritet të marrin pjesë liderë botërorë, përfshirë presidentin amerikan Donald Trump.
Pjesëmarrja e Putinit konsiderohej e pamundur për shkak të urdhërarrestit ndërkombëtar të lëshuar nga Gjykata Ndërkombëtare Penale në vitin 2023, për rrëmbimin e dyshuar të fëmijëve ukrainas nga territoret e pushtuara.
Italia, si nënshkruese e Statutit të Romës, do të ishte e detyruar të arrestonte Putinin nëse ai do të udhëtonte në territorin e saj.
Putini ka shprehur ngushëllimet e tij për ndarjen nga jeta të Papa Françeskut, duke vlerësuar përpjekjet e tij për dialog ndërfetar dhe marrëdhënie të mira mes Rusisë dhe Selisë së Shenjtë.