Një ngjarje e rëndë mësohet të ketë ndodhur mbrëmjen e djeshme në Vlorë ku pas një konflikti një 44-vjeçar ka goditur me thikë një 19-vjeçar.
Sipas burimeve mësohet se për rrjedhojë të ngjarjes adoleshenti për shkak të plagëve të marra ka përfunduar te Trauma ndërsa shtetasi tjetër është vënë në pranga.
“Komisariati i Policisë Vlorë arrestoi shtetasin L. Xh., 44 vjeç, banues në fshatin Kotë, pasi dyshohet se mbrëmjen e djeshme, në fshatin Kotë, gjatë një konflikti, ka goditur me mjet prerës shtetasin I. A., 19 vjeç, i cili po merr mjekim në Spitalin e Traumës. Gjithashtu, nga strukturat e Policisë, u ndalua shtetasi i dëmtuar I. A., pasi Gjykata e Shkallës së Parë e Juridiksionit të Përgjithshëm Vlorë i ka caktuar masën e sigurisë “Arrest në burg”, në mungesë, për veprën penale “Vjedhja me dhunë”.”