Në protestën e thirrur pas vrasjes së Martin Canit, këtë të hënë, 25 nëntor, përpara Ministrisë së Arsimit ishin të pranishëm edhe babai i 14 vjeçarit të ndjerë, tezja e tij dhe gjyshi.
Ky i fundit ka folur dhe kërkoi që drejtësia të vihet në vend.
“Vetëm drejtësi, nuk dua askush të përfitojë nga rasti. Në rast se nuk do zgjidhet ky problem, që Martini të shkojë në vendin e duhur, unë do e ndjek këtë problem. Sikur ra Martini për hir të demokracisë, do bie dhe unë se s’ka çfarë më duhet më jeta.
Nuk dua kurrën e kurrës të bëj keq. Askujt nuk ia dëshiroj, por të vihet drejtësia në vend”, tha gjyshi i Martinit.
