TIRANË– Në protestën që po mbahet sot prej orës 11:00 për vrasjen e 14-vjeçarit Martin Cani në shkollën “Fan Noli” në qendër të Tiranës, ka marrë pjesë edhe aktori i mirënjohur shqiptar,Mehdi Malkaj.
Ai e ka nisur fjalën e tij para godinës së Ministrisë së Arsimit, me veprimin e tre ministreve të Republikës së Shqipërisë, Ogerta Manastirliut, Belinda Ballakut dhe Mirela Kumbaros, të cilat gjatë seancës plenare kur opozita kërkoi të mbahej një minutë heshtje për vrasjen e Martinit, ato të treja janë parë duke biseduar dhe qeshur me njëra tjetrën
“Unë u tmerrova kur pash ato tre kukumjaçkat që zgërdhiheshin në një kohë aty që mbahej një minutë heshtje. Është turp i madh, nuk janë as nëna, as vajza dhe as njeri. Janë sa kafshë dore që i udhëheq zvarrë ai ndyrësia i gjatë. Më thoni një rast ku për 12 vite me radhe t’i kenë thënë atij kryeministrit “ej këtu e ke gabim”. Ai i varros së gjalli. Kjo që ndodhi, ça Tik-Tok, Taktuk? Edhe ne nxënës kemi qenë, ne na donin mësuesit, na përqafonin, por ky 90% të mësuesve i ka të paaftë. Edhe kush është ndonjë i aftë e hedhin nga gardhi. Shumë ngushëllime familjes, më vjen shumë keq, marr pjesë në dhimbjen e tyre.”-tha Malkaj./Radar.al
