Me dënimin nga gjykata e Apelit me 1 vit burg të Ervin Salianjit, një gjë mund ta themi të sigurt tashmë:
PD do të shkojë drejt protestave dhe nuk do të ketë më seanca parlamentare normale.
Vetë Berisha e bëri të qartë se dënimi i Salianjit është një akt lufte ndaj opozitës dhe kjo ka vetëm një rrugë: të përballet me regjimin derisa të arrijë krijimin e një qeverie teknike.
Dënimi i Ervin Salianjit përshpejtoi një aksion që PD e kishte paralajmëruar prej verës.
Ashtu sic u mësua edhe nga diskutimet me dyer të mbyllura në Kryesi, Noka ka propozuar që PD të dalë në protestë.
Noka ka kërkuar bllokim aksesh rrugore, portesh e aeroportesh.
Radar.al mëson se në Kryesi është kërkuar edhe bllokim të universiteteve.
Pritet që PD të bllokojë parlamentin dhe do të bëjë gjithçka për të provuar krijimin e një qeverie teknike para zgjedhjeve.