Tema mbi “Vatikanin e Bektashinjve” ditët e fundit ka qenë kryesorja e portaleve dhe mediave televizive.
Ambientalisti Sazan Guri, përgjatë një interviste shprehu drakordësinë e tij me planin për krijimin “Shtetit Sovran të Urdhrit Bektashi” në Tiranë.
Në një lidhje të drejtpërdrejtë me emisionin “7pa5” në ekranin e Vizion Plus, Guri tha se është dakord me kryeministrin Edi Rama, i cili ka pohuar planet me qëllim “promovimin e një islami tolerant me të cilin Shqipëria do të krenohet.”
Sazan Guri: E di që shumë njerëz do më kundërshtojnë, e di shumë mirë. Unë jam ndër të paktët raste që jam me kryeministrin. Nuk e kërkon dot besimi mysliman që e ka qendrën diku tjetër ose besimi kristian që e ka qendrën diku tjetër, besimi katolik e ka qendrën në Romë. I vetmi besim që ka një qendër, që quhet qendër këtu në Shqipëi…për mua nuk është një shenjë madhështie, historike apo edhe turistike dhe shpirtërore. Për mua është gjëja më e vyer që unë e kam menduar vetë. E them kur vijnë këtu në Berat, siç keni ju Vatikanin ne kemi bektashizmin sepse bektashizmi është qendër shpirtërore, natyrore. I vetmi besim që vë flamurin shqiptar në institucionet e veta është feja bektashiane. Unë jam bektashi nga babai, nënë e kam myslimane. Gruan e kam ortodoks,e por bektashizmi ka atë lloj ndërmjetësimi, një besim i ndërmjetëm midis ortodoksisë, katolikëve dhe myslimanëve. Është fe natyrore. Fakti që ka zgjedhur Tomorrin…male ka plot të larta, por u zgjodh mali më i bukur në botë, qendra e botës që është Tomorri.