Një aksident rrugor është regjistruar mëngjesin e sotëm në unazën lindore të Fierit, ku një i mitur ka mbetur i plagosur.
Sipas informacioneve paraprake, një automjet tip “Ford” ka humbur kontrollin gjatë lëvizjes dhe është përplasur me një banesë pranë rrugës.
Si pasojë e aksidentit, një pasagjer i mitur ka pësuar dëmtime dhe është transportuar me urgjencë në Spitalin Rajonal të Fierit, ku po merr trajtim mjekësor.
Në vendngjarje kanë mbërritur shërbimet e Policisë, të cilat kanë nisur hetimet për zbardhjen e plotë të rrethanave dhe shkaqeve të aksidentit.
Ndërkohë, është ndërhyrë edhe për menaxhimin e qarkullimit të mjeteve në zonë, i cili u ndikua për shkak të përplasjes.