Brazili ka siguruar kualifikimin për në fazën e 1/8-ave të Kupës së Botës 2026, pasi përmbysi Japoninë me rezultatin 2-1 në një sfidë dramatike të zhvilluar në Houston.
“Samurajt Blu” kaluan të parët në avantazh në minutën e 29-të, kur Sano realizoi një supergol me një goditje nga distanca, duke mposhtur Alissonin.
Në pjesën e dytë, ekipi i Carlo Ancelottit shtoi presionin dhe gjeti barazimin në minutën e 56-të. Pas një krosimi në zonë, Casemiro u shkëput mjaft mirë dhe me kokë dërgoi topin në rrjetë për rezultatin 1-1.
Brazili krijoi disa raste të mira, me Vinicius që goditi shtyllën në minutën e 58-të, ndërsa Martinelli iu afrua golit në minutën e 77-të, por tentativa e tij shkoi jashtë kuadratit.
Kur gjithçka dukej se po shkonte drejt kohës shtesë, Gabriel Martinelli u shfaq në minutën e 90+6, duke shënuar golin e fitores dhe duke ndezur festën e “Seleçaos”.
Me këtë sukses, Brazili avancon në fazën e 1/8-ave, ku do të përballet me fituesin e çiftit Bregu i Fildishtë – Norvegji.
Rezultati final:
Brazil 2-1 Japoni
Shënuesit:
- Sano 29′ (Japoni)
- Casemiro 56′ (Brazil)
- Martinelli 90+6′ (Brazil)