MILAN– Markus Kroscçe nuk do të jetë drejtori sportiv i ardhshëm i Milanit. As Timo Hardung, emri tjetër i lidhur fort me kuqezinjtë në javët e fundit të negociatave, nuk do të vijë në Milano. Kardinale dhe Ibrahimoviç kishin zgjidhur rezervat e tyre, duke u përqendruar shumë te dyshja gjermane, por në orët e fundit marrëveshja ka arritur kulmin dhe është rrëzuar.
Eintraht Frankfurt, klubi me të cilin Krosçe ka një kontratë ekzistuese, e prishi marrëveshjen duke i thënë jo Milanit për menaxherin e tyre të transferimeve, i cili kishte marrë një ofertë të konsiderueshme, si teknikisht ashtu edhe financiarisht, me një kontratë deri në vitin 2030. Klubi gjerman, megjithatë, nuk e vlerësoi qasjen e kuqezinjve, pasi kishte folur më parë me dy drejtuesit, duke ndaluar kështu çdo negociatë.
“Djalli” tani nis një fazë të re kërkimesh për të forcuar ekipin e tyre të menaxhimit, si numerikisht ashtu edhe cilësisht. Emrat e qarkulluar më parë përfshinin Devin Ozek, ish-drejtor sportiv i Bajer Leverkusen, i cili u rikthye nga një sezon te Fenerbahçe, dhe Ramon Planes, një spanjoll i liruar së fundmi nga Al Itihad. Megjithatë, midis opsioneve që po shqyrtohen aktualisht nga menaxhmenti i kuqezinjve është promovimi i Jovan Kirovski, aktualisht përgjegjës për transferimet e akademisë së të rinjve./PANORAMASPORT