Mbrojtësi italian që luan për Monzën në Serinë B, Armando Izo ka dhënë një lajm të hidhur. Futbollisti njoftoi se ai dhe partnerja Rafaela Fiço kanë humbur fëmijën 5 muajsh që ndodhej në barkun e saj.
“Para se të lindë ndonjë spekulim i rremë, unë dhe partnerja ime, Rafaela Fiço, dëshirojmë të njoftojmë se kemi pësuar një humbje të rëndë. Fatkeqësisht, foshnja jonë 5-muajshe na la shumë herët dhe do të mbetet në zemrat tona përgjithmonë. Në këtë moment dhimbjeje të madhe, kërkojmë respekt, heshtje dhe ndjeshmëri, duke shmangur çdo formë spekulimi mbi një humbje kaq delikate. E vetmja forcë që na lejon të ecim përpara në këtë kohë është dashuria jonë. Faleminderit”, tha Izo i cili është i fejuar me 37-vjeçaren prej disa muajsh, në një story në Instagram./PanoramaSport