Për herë të tretë këtë javë, avionët luftarakë polakë kanë interceptuar një avion zbulues rus “Ilyushin Il-20” mbi Detin Baltik.
Sipas Komandës së Lartë të Forcave të Armatosura Polake, avionët polakë MiG-29 shoqëruan avionin rus jashtë hapësirës ajrore të Polonisë, duke respektuar procedurat e NATO-s dhe duke garantuar se hapësira ajrore polake nuk u shkel.
Avioni rus udhëtoi në hapësirën ndërkombëtare pa plan fluturimi dhe me transponderin e fikur, duke paraqitur një rrezik potencial për trafikun ajror.
Incidenti i parë ndodhi të martën, ndërsa i dyti një ditë më parë, të dy rastet po ashtu përfshinin avionë “Il-20” pa plan fluturimi dhe me transponderin e fikur.
Komanda e Lartë e ushtrisë polake thekson se forcat mbeten në gatishmëri të plotë luftarake dhe reagojnë në mënyrë efikase ndaj çdo veprimi provokues nga Rusia.