Problemet e Chelseat në repartin e mbrojtjes po thellohen. Trajneri Enzo Maresca ka konfirmuar se Tosin Adarabioyo do të mungojë deri pas pushimit ndërkombëtar për shkak të një dëmtimi në pulpë, ndërsa Wesley Fofana është gjithashtu jashtë lojës pas një goditjeje në kokë.
Me Levi Colwill të dëmtuar prej kohësh dhe Benoit Badiashile që ende nuk ka debutuar këtë sezon, “Blutë” përballen me një krizë të plotë në qendër të mbrojtjes.
“Tosin ka një dëmtim të lehtë në pulpë dhe do të mungojë për disa ndeshje. Fofana u lëndua ndaj Lincolnit. Të tjerët janë në rregull”, – tha Maresca në konferencën për shtyp.
Situatën e vështirë e rëndon edhe mungesa e Cole Palmer, i cili ende nuk është rikuperuar plotësisht, ndërsa lojtarë si Liam Delap, Dario Essugo dhe Romeo Lavia vijojnë të mbeten jashtë.
Në prag të një kalendari të ngjeshur në Premier League, Chelsea do të detyrohet të improvizojë, me Marescën që ka përpara një sprovë të vërtetë për të mbajtur skuadrën konkurruese.