Aksioni për lirimin e hapësirave publike të zaptuara pa leje nga subjektet private vijon prej gati një muaji në të gjithë vendin dhe qeveria ka paralajmëruar se operacioni nuk do të ndalet.
Kryeministri Edi Rama ka shpërndarë sot një tjetër video nga terreni, ku inspektorët ndërhyjnë për të hequr struktura metalike të vendosura në mënyrë të paligjshme në trotuare apo ambiente të tjera publike.
Në një mesazh të shoqëruar me pamjet, kreu i qeverisë u është drejtuar edhe atyre që kritikojnë këtë fushatë.
“Vazhdojmë, papushim. Dhe u lutemi komentatorëve që brenda mundësive të bëjnë ca durim, por edhe po s’mundën, i përshëndesim me mirëkuptim”, shkruan Rama.
Fushata synon çlirimin e hapësirave për qytetarët, për të siguruar një mjedis më të rregullt dhe të aksesueshëm, sidomos në zonat urbane, ku abuzimet me hapësirat publike janë bërë problem i përditshëm.
Radar.al