Kryeministri Edi Rama ka reaguar sërish në lidhje me përpjekjet për rregullimin dhe restaurimin e hapësirave publike, duke theksuar se përveç largimit të ndërtesave të hekurit, do të bëhet edhe një pastrim i plotë i platformave të shumta që shtrihen nën këto struktura.
Rama shkruan se ky proces do të ndodhë hap pas hapi, çdo ditë dhe me shumë durim, derisa të vendoset një kufi i qartë që garanton lirinë e hapësirës komunitare dhe përcakton kufijtë për tavolinat, karriget dhe çadrat e bizneseve.
Ky reagim vjen pas një videoje të shpërndarë nga Kryeministri, ku ai tregon masat që po ndërmerren për të rregulluar hapësirat publike dhe për të krijuar kushte më të mira për qytetarët dhe bizneset.
Postimi i kryeministrit Rama:
Sigurisht jo vetëm ngrehinat e hekurit, po edhe platformat e turlillojshme nën to, do të zhbëhen hap pas hapi, përditë e me durim, derisa të vendoset kudo kufiri që garanton lirinë e hapësirës komunitare dhe përcakton deri ku mund të shtrihen tavolinat, karriget e çadrat e njësive tregtare️
Radar.al