Pas ndërhyrjes së institucioneve për prishjen e ndërtimeve pa leje në zonën e mbrojtur të Thethit, kryeministri Edi Rama ka ndarë një video të re nga kjo zonë turistike, duke e cilësuar aksionin si një “operacion kundër kancerit të paligjshmërisë”.
Ndërhyrja zgjati mbi një javë dhe solli shembjen e rreth 100 objekteve të ndërtuara pa leje, ndërsa më pas u vijua me pastrimin e inerteve dhe rehabilitimin e terrenit.
Në publikimin e tij në rrjetet sociale, kryeministri shprehet:
“Thethi pas operacionit nga kanceri i paligjshmërisë.”
Thethi ishte në qendër të vëmendjes publike gjatë ditëve të fundit për shkak të tensioneve me disa banorë, të cilët kundërshtuan aksionin e IKMT-së. Megjithatë, qeveria e ka konsideruar ndërhyrjen të domosdoshme për mbrojtjen e parkut kombëtar dhe hapësirave publike.