Katër persona u plagosën gjatë një sulmi me sëpatë në një tren që po udhëtonte nga Mynihu në Vjenë. Një burrë, i identifikuar si sirian, sulmoi papritmas pasagjerët me sëpatë, duke shkaktuar panik në vagonë.
Pas sulmit, pasagjerët aktivizuan frenën e emergjencës dhe treni u ndal menjëherë. Një nga udhëtarët arriti t’i rrëmbejë sëpatën sulmuesit dhe ta godasë, duke e plagosur rëndë atë. Sulmuesi u transportua me helikopter në spital, ku ndodhet në gjendje të rëndë.
Autoritetet gjermane vazhdojnë hetimet për ngjarjen dhe shprehin shqetësim për sigurinë në transportin publik.