Egli Tako, ka befasuar ndjekësit me njoftimin e fundit: ajo ka firmosur me labelin e njohur SBS Entertainment, duke hapur një faqe të re në rrugëtimin e saj artistik.
Përmes një postimi emocionues në Instagram, Egli ndau këtë moment të veçantë me ndjekësit:
“Jam e lumtur t’ju njoftoj se nga sot, karriera ime muzikore është zyrtarisht nën menaxhimin e labelit SBS Entertainment. Ky është një hap i ri dhe shumë i rëndësishëm në rrugëtimin tim artistik, dhe mezi pres t’ju sjell projekte të reja, muzikë dhe emocione të forta.”
Ky bashkëpunim vjen në një fazë ku Egli synon të zgjerojë audiencën dhe të sjellë projekte më të mëdha muzikore. Fansat kanë reaguar menjëherë me komente mbështetëse, duke pritur me padurim projektet e reja që do të materializohen nga kjo marrëveshje.