Një ngjarje tragjike ka ndodhur pak minuta më parë në Qaf Burrel, ku një masiv minerali që grumbullohej nga përpunimi i kromit është shembur, duke marrë me vete fadromën që po punonte dhe drejtuesin e saj.
Shembja e masivit ka shkaktuar çarjen e një rezervuari uji të krijuar nga fabrika e përpunimit të kromit, e cila ka përfshirë mjetin.
Në vendngjarje janë nisur forcat e policisë dhe banorët e zonës janë angazhuar në kërkimin e drejtuesit të fadromës, i cili është ende i humbur.
Fabrika që përpunonte mineralin e kromit ishte marrë me qera disa muaj më parë nga dy shtetas kinez.