Një ngjarje e rëndë mësohet të ketë ndodhur së fundmi ku një avion u rrëzua në perëndim të Alaskës gjatë udhëtimit drejt qytetit Nome, duke shkaktuar vdekjen e 10 personave në bord.
Autoritetet vendase bënë me dije se rrënojat e tij u gjetën të premten në ujërat e ngrira detare.
Sipas Rojes Bregdetare të SHbA, ekipet e shpëtimit lokalizuan mbetjet e avionit gjatë kërkimeve me helikopter.
Avioni i kompanisë Bering Air, me 9 pasagjerë dhe një pilot, ishte nisur nga qyteti Unalakleet të enjten pasdite, por humbi kontaktin më pak se një orë më vonë.
Moti në zonë ishte i vështirë, me reshje të lehta dëbore, mjegull dhe temperatura deri në -8.3°C, sipas Shërbimit Kombëtar të Meteorologjisë.
Nga ana tjetër thuhet se po vijojnë hetimet për shkaqet e aksidentit.