DURRËS– Në qytetin e Durrësit ka ndodhur një ngjarje tragjike, ku një grua ka humbur jetën gjatë një ndërhyrjeje kirurgjikale.
Bazuar në njoftimin e policies bëhet me dije se ka nisur një procedim penal ndaj mjekut 59-vjeçar, I. Sh., banues në Durrës, i cili akuzohet për veprën “Neglizhenca në trajtimin mjekësor”.
Mjeku është hetuar për humbjen e jetës së 54-vjeçares, M. Xh., banuese gjithashtu në Durrës, e cila ka ndërruar jetë në klinikën e tij gjatë procedurës kirurgjikale. Hetimet janë duke vijuar për të sqaruar rrethanat e ngjarjes.
NJOFTIMI I POLICISË:
U referuan materialet në Prokurori, ku nisi procedimi në gjendje të lirë për veprën “Neglizhenca në trajtimin mjekësor”, për shtetasin I. Sh., 59 vjeç, banues në Durrës, me detyrë mjek, pasi në klinikën e tij, ka humbur jetën gjatë një ndërhyrjeje kirurgjikale, shtetasja M. Xh., 54 vjeçe, banuese në Durrës./Radar.al
Sara Hoxha: Big Brother VIP këtë vit nuk ka qenë thjesht një spektakël…
Italia kërkon ekstradimin/ Gjykata e Tiranës merr vendimin për Ekil Nerjaku dhe Ervis Detin