Klubi i Futbollit Flamurtari ka nënshkruar një kontratë bashkëpunimi me gjigantët spanjollë të futbollit, Real Madrid. Lajmin e ka konfirmuar presidenti i klubit, Sinan Idrizi.
Sipas marrëveshjes, bashkëpunimi do të përfshijë akademinë e futbollit për moshat e reja dhe ekipin e parë të klubit. Investimi fillestar kap vlerën e 20 milionë eurove, të cilat do të përdoren për zhvillimin e kompleksit sportiv të Pyllit të Sodës, duke përmirësuar infrastrukturën dhe përgatitjen e talenteve të rinj.
Ky bashkëpunim shënon një hap të rëndësishëm në historinë e Flamurtarit dhe në zhvillimin e futbollit të moshave në Shqipëri.