Procesi i rinumërimit të votave për zgjedhjet e 11 majit ka nisur të prodhojë lëvizje të vogla në rezultatet fillestare. Deri më tani janë rinumëruar 160 kuti votimi dhe të dhënat tregojnë se si Partia Socialiste, ashtu edhe Partia Demokratike, kanë humbur vota.
Sipas shifrave zyrtare, PS ka humbur 62 vota, ndërsa PD 59 vota krahasuar me numërimin fillestar. Edhe pse ndryshimet janë të lehta dhe nuk ndikojnë ndjeshëm në balancat përfundimtare, ato ngrejnë pikëpyetje mbi saktësinë e procesit të parë të numërimit.
Autoritetet zgjedhore pritet të vijojnë me hapjen e kutive të tjera në ditët në vijim, ndërsa të gjitha palët janë në pritje të përfundimeve përfundimtare të rinumërimit.