Kryetari i Bashkisë së Lezhës, Pjerin Ndreu është vënë nën hetim nga SPAK. Ai akuzohet për shpërdorim detyre. Pas daljes nga SPAK në një prononcim për mediat, Ndreu u shpreh se është thirrur si një person në hetim për veprën penale “Shpërdorim detyre”, pasi një kallëzimi të bërë nga Partia Demokratike e Lezhës.
Ndreu ka theksuar se në këtë çështje ka zero shkelje procedurash, zero korrupsion dhe zero dëm ekonomik, por sipas PD-ja e Lezhës nuk është dakord për një trotuar.
“Arsyeja është thirrje për një cështje që është denoncuar nga PD. Ajo që duhet thënë është 0 shkelje procedurash, 0 korrupsion dhe 0 dëm ekonomik. Ka një problem procedure, ku PD në Lezhë nuk është dakord që t’i bëjmë trotuarin njerëzve. Jemi në proces, dhash shpjegimit, do jap prap. Isha në cilësinë e personit në hetim për veprën penale shpërdorim të detyrës. Është kallëzim politik, por nuk ka të bëjë me asnjë shkelje. Si duket shërbimi në komunitet që kemi bërë ne, nuk i ka shkuar për shtat PD-së të Lezhës, ndaj janë aty ku janë.”– ka thënë Ndreu.
Kujtojmë se kallëzimi ndaj Ndreut është bërë nga Partia Demokratike në Lezhë në vitin 2023 në lidhje me trotuarin e bërë në rrugën Lezhë-Shëngjin përgjatë lagjes Xhenjo./Radar.al